ҚҰРЫЛЫСШЫЛАР МЕРЕКЕСІ ТОЙЛАНДЫ
Құрылыс саласы қоғамдық өміріміздің күрделі кешенді жүйесі, ал, құрылысшы құрметті де мәртебелі мамандық.Елбасымыз Нұрсұлтан Әбішұлы Назарбаев елімізде құрылыс саласын дамытуға, құрылысшылардың қарқынды еңбегін қамтамасыз етуге тұрақты назар аударып келеді. Осы ретте, елімізде тамыздың екінші жексенбісі ел экономикасының негізгі тірегі – отандық құрылыс индустриясының дамуына зор үлес қосып жүрген құрылысшылардың кәсіби мерекесі ретінде тойланып келеді.
Бүгін ауданымызда отандық құрылыс индустриясын дамытуда алға қойған мiндеттерді жүзеге асырып, еселі еңбек етіп жүрген сала қызметкерлерінің мерейлік мерекесіне орай салтанатты шара өтті.
Аудан әкімінің орынбасары Ә.Жарылқағанов мерекеге орай құрыш қолды құрылысшыларды кәсіби мерекесімен құттықтап, ізгі ниетін білдірді. Шара аясында қазыналы Қазалы жерінің түрленіп, архитектуралық сәулетінің көркеюі жолында талмай еңбек етіп жатқан құрылысшылар мен қызметкерлерге «Алғыс хаттар» табыстады. Салтанатты жиын мереке иелеріне арналған концерттік бағдарламамен жалғасты.
