ҚЫЗЫЛОРДАДА ЦИФРЛЫҚ ТЕХНОЛОГИЯ БАҒЫТЫНДАҒЫ ЖОБАЛАР ҚАТАРЫ КӨБЕЙДІ
Сыр өңірінде цифрлық технологияларды қолданатын бірнеше жобалар жүзеге асырылуда, деп хабарлайды ҚазАқпарат тілшісі.Солардың қатарында уран шикізатын өндіруші кәсіпорындарда цифрландыру жүйесі бар. Атап айтқанда, №6 кен басқармасы технологиялық процестерді (геотехнологиялық полигондарда диспечерлік және автоматтық жүйелер) қамтитын «Ақылды кеніш» бағдарламасы жүзеге асуда, «Семізбай-U» ЖШС цифрлық өлшегіш құрал-жабдықтарды пайдалануды жүзеге асыруда. (Электронды құжат айналымы, Биометриялық терминалдар, КАП Сафети мобильдік қондырғысы, Пневматикалық электронды клапондар). Облыстық бюджеттен 19 млн. 200 мың теңге қаржы бөлініп, «Ақмая» шаруа қожалығының егістік алқаптарын (күріш, жоңышқа т.б. дақылдар) цифрландыру жүргізілуде.
Қазіргі таңда ауыл шаруашылығы тауар өндірушілерінің егістік электрондық картасын қалыптастыру жұмыстары 100,1%-ға жетіп, 29 633 гектар жердің электронды сызбасы қалыптасты. «Агробиржа» электрондық сауда сайты іске қосылды. Электронды сауда сайтына 37 шаруа қожалықтар тіркелген.
