ПСИХОЛОГТАР АДАМ ЕСІМІНІҢ ТАҒДЫРЫНА ҚАЛАЙ ӘСЕР ЕТЕТІНІН АЙТТЫ
Мамандар әрбір ата-ана баласына есім берерде ойлануы керек дейді. Себебі ол үлкен - жауапкершілік.Қазақ халқы балаға ат қоярда сол есімнің өзіне жүктелетін жауапкершілігін де қатар ойлаған, ырымдаған. Ырымдап "бай", "сұлу", "керім", "бек" секілді сөздерді жалғаған. Осы уақытқа дейін адам есімін зерттеумен айналысатын антропономика ғылымының мамандары мен психологтар адамның есімімен тағдыры жазылады деген пікірдің рас екенін дәлелдеумен келеді. Психолог Әлия Ишниязова ата-ана он ойланып барып сәбиге есім берген дұрыс дейді.
"Әрбір ата-ана баласына есім қоярда өзіне жүктелер жауапкершілікті жете сезініп, оған сақтықпен қарап, он ойланып барып қана жүрегі қалаған есімді сәбиіне қойғаны дұрыс. Себебі ғалымдардың пайымдауынша, қойылған есімдердің адам өміріне әсері өте ерекше. Осы тұста өз көзқарасым бойынша сәбилерді, күнделікті өмірде адамдарды неғұрлым көркем есімдермен атаған сайын адамның да баланың да тұла бойы соған сәйкес көркемделе түседі", — дейді Әлия Ишниязова.
Психологтың айтуынша, есіміне байланысты жанына жағатын жылы лебіздер мен тілектер айтылған сайын адамның рухани жан дүниесі көтеріліп, психологиясына әсер етпей қоймайды. Сол арқылы адам жетістіктерге жетіп, шыңдарды бағындырады.
sputniknews.kz
