КІШКЕНТАЙ ЖЕРЛЕСІМІЗ "БАЛА ДАУЫСЫНДА" БАҚ СЫНАЙДЫ(ВИДЕО)
Мектеп қабырғасында жүріп-ақ бірнеше ән байқауларында бақ сынап, жеңімпаз, лауреат атанып үлгерген Қарақат Базарбай биыл үшінші мәрте шымылдығын түріп отырған бірегей ұлттық жоба – "Бала дауысы" республикалық балалар ән байқауында облыс намысын қорғамақ.
Жас өнерпаз конкурстың онлайн іріктеуінен өтіп, супер финалға жолдама алып отыр. Сындарлы сынақтың салмағын сезіне білген өнерлі өрен бүгінде қызу дайындық үстінде. Конкурстың үшінші маусымының жеңімпазын өнерсүйер жұртшылық 8 желтоқсан күні болатын тікелей эфирден біле алады. Ақтық сында жүлдегер нағыз тіс қаққан өнер майталмандарының қазылық етуімен және SMS дауыс беру арқылы анықталады. Ендеше, өнерпаз жерлесімізге сәттілік тілеп, қолдау білдірейік.
[video=] Б.ЖАРЫЛҚАП.
