ТІЛ – ҰЛТТЫҢ ЖАНЫ
Қалалық білім бөлімінің ұйымдастыруымен А.Тоқмағанбетов атындағы мәдениет үйінде «Тіл – татулық тірегі» атты конференция өтті. Аталмыш шара Қызылорда қаласының 200 жылдық мерейтойы аясында кең ауқымда ұйымдастырылған. Оған «Өрлеу» біліктілігін арттыру ұлттық орталығы АҚ филиалы Қызылорда облысы бойынша педагогикалық қызметкерлерінің біліктілігін арттыру институтының оқытушылары, Қорқыт Ата атындағы Қызылорда мемлекеттік университетінің профессорлары мен оқытушылары, тіл және қалалық білім бөліміне қарасты білім беру ұйымдары мамандары қатысты.Конференцияда халықаралық «Қазақ тілі» қоғамының облыстық филиалың төрағасы Сәдуақас Аңсат, облыстық тілдерді оқыту орталығының директоры Нұрсәуле Мұсаева, Қорқыт ата университетінің қауымдастырылған профессоры Күлдірсін Сарышева, «Өрлеу» біліктілік арттыру ұлттық орталығы» АҚ филиалы Қызылорда облысы бойынша педагогикалық институтының аға оқытушысы Мария Орманова өз ойларымен бөлісті. Қазіргі қоғамның өзекті мәселесі – әліпбидің латынға ауысуы. Қазақ тілінің тарихында маңызды рөл атқарады. Конференция барысында аталған мәселелер кеңінен айтылды. Сонымен қатар, қасиетті тіліміздің құдіреті жан-жақты ашыла түсті.
Айтолқын АЙТЖАНОВА.
