«ҚАЗГЕРМҰНАЙДА» ЖАҢА БАСШЫ
Кеше облыс әкімі Қырымбек Көшербаев «ҚазГермұнай БК» ЖШС-ның Бас директоры қызметін атқарған Есен Қайыржанды басқа жұмысқа ауысуына байланысты құттықтап, аймақтың әлеуметтік-экономикалық дамуына қосқан үлесі үшін облыстың Құрмет грамотасымен марапаттады.Есен Қайыржан мұнай өндіру саласында 30 жылдан астам уақыт еңбек етіп келеді. Соның 23 жылын Сыр өңіріндегі мұнай саласының өсіп-өркендеуіне арнаған.
«ҚазГермұнай БК» ЖШС ширек ғасырлық тарихында еліміздегі айтулы мұнай өндіруші компаниялар қатарынан көрініп, үлкен жетістіктерге жетті. Оған қоса әлеуметтік жауапкершілікті сезініп, жақсы бастамалардың бел ортасынан табылды.
Сондай-ақ, аймақ басшысы «ҚазГермұнай БК» ЖШС Бас директоры қызметіне кіріскен М.Мұстафаевты таныстырды. Жаңа басшы Сыр өңірінің тумасы, еліміздегі ірі мұнай компанияларында еңбек етіп, «Қазақ мұнай газ ғылыми- зерттеу және жобалау» институты акционерлік қоғамын басқарған.
«СБ» ақпарат.
