ҚАЗАҚСТАНДЫ ҚАЛЫҢ ТҰМАН БАСАДЫ
Синоптиктер еліміздің батысы мен оңтүстігінде дабылды ескерту жариялады. Қазақстанның екі облысында қалың тұманға байланысты дабылды ескерту жарияланды. "6-7 желтоқсанда Атырау облысында кей жерлерде тұман түсіп, көктайғақ болады. Ал 6-8 желтоқсанда Қызылорда облысының кей жерлерінде тұман түседі", — деп жазылған хабарламада.
Сондай-ақ Қызылорда облысында
6 желтоқсан күні күндіз, 7-8 желтоқсанда шығыс, солтүстік-шығыстан 15-20 м/с жылдамдықпен жел соғады.
Айта кетейік, Қазақстанда температура аздап көтеріліп, ауа райы суық болады деп болжанып отыр. Қар-жаңбыр жаумайды. Осыған байланысты көктайғақ қаупі туындауы мүмкін.
