Қолтырауын өзен жағасында кір жуып отырған баланы тартып әкетті
Оңтүстік Африка Республикасында қолтырауын өзен жағасында отырған баланы тартып әкетті.Оқиға сенбі күні Лимпопо штатына қарасты Тхохояндоу қаласында болды. Полицейлер мәліметінше, баланы соңғы рет өзен жағасынан көрген. Бала достарымен бірге өзен жағасында кір жуып отырған. Мұнда қолытрауындар адамға үнемі шабуылдайды. Жыртқыштың бірі балаға шабуылдап, өзенге тартып әкеткен.
Полицейлер бұл жайлы ертесі күні естіп, баланың денесін іздеуге кірісті. Алайда күн батып кеткендіктен іздеу жұмысы тоқтатылды. Баланың денесін әлі тапқан жоқ.
Полицейлер ата-аналардан балаларының қауіпсіздігін ойлауды, оларды өзенге жібермеуді сұрайды. Соңғы кезде аймақта қолытаруыннан келген адам өлімі күрт өскен.
Желтоқсанның ортасында Замбияда қолтырауынның ішінен бір апта бұрын жоғалған қыздың денесі табылған еді.
