Ауыл шаруашылығы өнімдерінің жәрмеңкелері өткізілуде
Қалада азық-түлік өнімдерінің бағаларын тұрақтандыру бағытында бірқатар жұмыстар атқарылуда.
Қызылорда қаласы тұрғындарына төмен бағадағы азық-түлік өнімдерін сатуды ұйымдастыру және бағаны тұрақтандыру мақсатында үстіміздегі жылдың 16 наурызынан бастап кәсіпкерлер мен ауылшаруашылық тауар өндірушілерінің қатысуымен қалада апта сайын ауыл шаруашылығы өнімдерінің жәрмеңкелері өткізілуде.
Қызылорда қаласында бүгінге дейін 12 жәрмеңке өткізіліп, нарық бағасынан 10-15% төмен бағада жалпы құны 119,2 млн теңгенің 693,6 тонна ауылшаруашылық өнімдері тұрғындарға сатылды. Жәрмеңкеге Қызылорда қаласы, Жаңақорған, Шиелі, Қармақшы, Жалағаш, Сырдария, Қазалы, Арал аудандары кәсіпкерлері мен ауылшаруашылық тауар өндірушілері қатыстырылды.
