"Көргендер болса хабарласса екен": Тележүргізуші Сәуле Әбединованің інісі жоғалып кетті
Сәуле Әбединова жоғалған інісіне іздеу салып, ІІМ-нен көмек сұрайды. Тележүргізушінің ағасының Досжан есімді баласы жоғалып кетті."Достар! ҚР Ішкі Істер министрлігі! Мен, Әбединова Сәуле Әбілдаханқызы, туған ағамның баласына іздеу саламын. Аты-жөні: Юсупов Досжан Алиакбарович. Туған жылы: 1984 жылы 23 ақпан. Тұрақты тіркеуде Түркістан облысы Ордабасы ауданында. Бала кезінен Арти деп еркелететінбіз. ВКда туған күнін 18 ақпан деп жазған. Тұратын жерін Алматы қаласы деп көрсеткен.
Алматыдан Астанаға кеткеніне 2-3 жыл болған. Ара-арасында ауылына, Алматыға келіп-кетіп, туыстарына қоңырау шалып, хабарласып жүрген. Соңғы айларда мүлде хабар-ошарсыз жоғалып кеткен. Соңғы телефон нөмірі 8 708 180 0284 болған, бүгінде "тіркелмеген" нөмірлер қатарында. Досжанды танитындар, жақын арада көргендер, қайда жүргенін білетіндер болса, +7 707 570 9407 нөміріне хабарласуларыңызды сұраймын. Барлық әлеуметтік желілерге, чаттарға таратуларыңызды өтінемін", - деп хабарландыру жазды тележүргізуші желіге.
