5 жасынан вокзалда тұрған: Қазақстандық маугли әйел күтпеген жерден туыстарымен қауышты
Қазақстанда көшеде өскен 39 жастағы маугли әйелдің құпиясы ашылды. Ал, «Астарлы ақиқат» бағдарламасына келген оның туыстары оған қатысты таңқаларлық мәліметтер берді, деп жазады Stan.kz ақпарат агенттігі КТКарнасына сілтеме жасап.
Сонымен сарапшылар кімнің жалған сөйлеп отырғанын және кімнің шындықты айтып жатқанын анықтады.
Қазақстандық маули әйел атанған Сезім Уалихан «Астарлы ақиқат» ток-шоуынан көмек сұрап келіпті. Ол бес жасынан бері вокзалда тұрғанын және туыстары туралы есінде ештеңе қалмағанын айтады.
Бірақ, күтпеген жерден бағдарлама студиясына маугли әйелдің туыстары келді. Олар әйелдің аты – Гүлзат Бекмырзаева екенін айтты. Оны жақындары 10 жылдан бері іздестіріп келеді. Әрине, маугли әйелдің өзі оларды танымайтынын және есінде ештеңе қалмағанын мәлімдеді.
