"Оның бәрі өтірік": ҰБТ-дан 67 балл жинаған жас жігіт ешнәрседен қорықпауға кеңес берді
Қазақстандық жас жігіт биыл ҰБТ тапсыратын мектеп түлектеріне қатты алаңдаудың қажеті жоқ екенін айтты. Сондай-ақ, өзінің де аз ұпай алғанын жасырмады, деп хабарлайды Stan.kz ақпарат агенттігі Жетінші арнаның "Өз ойым" бағдарламасына сілтеме жасап.
"ҰБТ – бұл сенің өмірің. "Қалай тапсырасың, солай өмір сүресің" дейді. Осының барлығы саған қатты психологиялық қысым алып келеді. "Мен қазір 70 балл алып жүрмін, ертең 50 балл алсам не болады? Өмірім қиын болып кетеді. Ойбай, мен өмір сүре алмаймын" деп ойлайсың. Қазір 25 жасқа келіп отырмын. Осы жасқа жетіп, бәрінің өтірік екенін білдім. Оның бәрі өтірік", - деп күлді ол.
Әрі қарай ол өмірдің өз ретімен жалғаса беретінін және өз-өзіне қол салу секілді ауыр қылмыстардан аулақ болу керектігін ескертті.
"Мектеп біткеннен кейін әрі қарай нағыз өмір басталады. Бұл жерде ешқандай психологиялық қысым жоқ, сен еркін өмір сүресің. Мен де мына кісі сияқты 67 балл алғанмын. Шынымды айтайын, қазіргі кезде бәрі жақсы. Мында отырған оқушыларға «Ешнәрседен қорықпаңдар, уайымдамаңдар. 120, 140 балл алсаңдар да, өмір әрі қарай жалғаса береді. Ал өмір дегеніміз өте қызық" деп айтқым келеді", - дейді жас жігіт.
