Головкин "Канеломен" үшінші жекпе-жегі қашан өтетінін айтты
Қазақстандық боксшы Геннадий Головкин Мексиканың спортшысы Сауль Альвареспен үшінші кездесу үшін мүмкін болатын күні мен орны туралы айтты."Бұл күрестің қыркүйек айында болатындығына сенемін. Мүмкін, дәлсол айда болады. Сонымен қатар, қыркүйекте Мексиканың Тәуелсіздік күні. Бұл - үлкен мереке. Неге болмасын? Егер орын туралы айтатын болсақ, мен "ескі мектеп", Madison Square Garden-ын қалар едім. Оның командасы Невада, Лас-Вегасты жақсы көреді. Бізде Даллас, AT&T Stadium бар. Джерри Джонс боксты жақсы көретінін білемін! Бірақ бәрі бизнеске байланысты шешіледі", - деді Головкин.
Еске салайық, Головкин мен Альваресдің бірінші және екінші жекпе-жегі қыркүйек айында, Мексиканың Тәуелсіздік күнінде өткен еді.
Айта кетейік, 8 маусымда Нью-Йорктегі Madison Square Garden аренасында Головкин Стив Ролсспен айқасады. Бұл жекпе-жек DAZN-мен үш жылдық келісім-шарт бойынша бірінші айқас болмақ.
