ТҮРКІ ТІЛДЕС МЕМЛЕКЕТ ЖАСТАРЫНЫҢ АРАСЫНДАҒЫ ХАЛЫҚАРАЛЫҚ ӘЗІЛ ФЕСТИВАЛІ
Нұр-Сұлтан қаласында түркі тілдес жастары арасындағы халықаралық әзіл фестивалі өтті. Жоба “Нұр-Сұлтан қаласының қоғамдық даму істері басқармасы” ММ мен “Қазақстан КВН Одағы” республикалық жастар қоғамдық бірлестігінің қолдауымен ұйымдастырылды. Әзіл байқауына көршілес 6 мемлекеттің командалары қатысуға ниет білдірді. Бұл көрсеткіш жыл санап артып келеді.Жастар жылы аясында өткен әзіл фестивалі үш күнге жоспарланған. Бірінші күні Жастар сарайында концерттік бағдарламамен ашылу салтанаты өтті. Шет елдік және қазақстандық жайдарманшылар пікір алмасып, сайысқа сәттілік тілесті.
Екінші күні қатысушылар Нұр-Сұлтан қаласында орналасқан тарихи және заманауи маңызды ғимараттарға экскурсияға шықты. Театрлар мен Ұлттық музейді, «Бәйтерек» пен «ЭКСПО» кешендерін және басқа да зәулім ғимараттарды аралатты. Бұл экскурсия қазақ халқының салт-дәстүрлері дәріптеліп, тарихына көз жүгіртіп, мәдениет және әдебиетінен сыр шертуге сеп болды.
Үшінші күні қатысушы түркі тілдес мемлекеттерден келген командалар мен қазақстандық топтар арасында жайдарман сайысы ұйымдастырылды. Бейбітшілік және келісім сарайында өткен додаға барлығы 10 команда қатысты. Оның 6 шетелдік, 4 қазақстандық топ. Олар:
1.«Қазақстан халықтары ассамблеясының құрамасы» Нұр-Сұлтан қаласы
2. «Моңғолия елінен Баян өлке құрамасы»
3.«Біз қазақпыз» Екібастұз қаласы
4. «Қарақалпақстан құрамасы» Өзбекстан Республикасы, Нөкіс қаласы
5.«Башқұртстан құрамасы» РФ Уфа қаласы
6. «Ноғай құрамасы - Алтын орда» РФ Ноғай ауданы
7.Академик Әбдімұса Қуатбеков атындағы халықтар достығы университеті «Бүгін.kz» Шымкент қаласы
8.«Татарстан құрамасы» РФ Қазан қаласы
9. «Миллион» - «Нұр-Үміт» өнер орталығы Шымкент қаласы
10. «Позитифф» Қырғызстан Республикасы Бішкек
Өнер көрсеткен командаларға қазылар тиісті ұпай сандарын үлестіріп, жеңімпаздарды анықтады. Сайыс нәтижесі:
150 мың теңге көлеміндегі қаржылай сыйлыққа ие болған III орын иегерлері:
-«Моңғолия елінен Баян өлке құрамасы»
-«Қарақалпақстан құрамасы» Өзбекстан Республикасы, Нөкіс қаласы
-«Башқұртстан құрамасы» РФ Уфа қаласы
300 мың теңге көлеміндегі қаржылай сыйлыққа ие болған II орын иегерлері:
-«Позитифф» Қырғызстан Республикасы Бішкек
-«Бүгін.kz» Шымкент қаласы
1 миллион теңге көлеміндегі қаржылай сыйлыққа ие болған II орын иегерлері I орын:
-«Ноғай құрамасы - Алтын орда» РФ Ноғай ауданы
«Үздік ойыншы» аталымына «Татарстан құрамасының» ойыншысы – Наиль Салаxов лайық деп танылды.
