Ақмешіт апталығы

Бүкіл әлемнің саяси, әлеуметтік, экономикалық, мәдени және рухани жағдайына ықпал етіп отырған діни экстремизм мен терроризм ең бір өзекті мәселенің біріне айналып отыр. Оған қарсы күрестің бірден-бір жолы – өз уақытында шынайы мәлімет беру.
Осы орайда облыстық филармонияда түрлі шаралар атқарылып, әкімшілік және техникалық қызметкерлерге түсіндірме жүйелі жүргізіліп келеді. Мысалы, биылғы жыл басында филармония директоры Т.Мақашовтың төрағалығымен жиналыс өткізіліп, бұл бағытта атқарылатын жұмыстар айқындалды.
Сондай-ақ, «Діни экстремизмнен сақтану жолдары» тақырыбында дін істерін зерттеу орталығының теолог маманы Бақтияр Оспановтың филармония қызметкерлерімен кездесуі өтті. Жиында діни мамандар статистикалық мәліметтерге сүйене отырып, діни экстремизмнен зардап шеккен жандардың жалпы санын атап өтті. Тұғырлы мемлекетімізде қоғамға әсер етіп, қорқыныш тудыратын діни ағымдар да аз емес. Теолог маман экстремистік ұйымдардан аулақ болу, бұрыс бағыттардан өзін-өзі алшақ ұстау мәселелері жайлы сөз қозғалды.