ДІНИ ЭКСТРЕМИЗМ КӨРІНІСТЕРІНІҢ АЛДЫН АЛУ
Бүгін Жалағаш аудандық мәдениет және өнерді дамыту орталығында «Діни экстремизм көріністерінің алдын алудағы ақпараттық-түсіндірме шараларын жетілдіру жолдары» тақырыбында семинар-тренинг өтті.Семинарға аудан әкімінің орныбасары Ж.Тажмаханов, «Қызылорда облыстық ішкі саясат басқармасының Дін мәселелерін зерттеу орталығы» КММ-нің директоры Б.Камалов, аудандық ішкі саясат бөлімінің басшысы Ғ.Телібаев, сондай-ақ Жалағаш ауданы әкімдігі жанындағы ақпараттық-түсіндірме топ мүшелері, Терроризмге қарсы комиссия мүшелері, мектеп директорларының тәрбие ісі жөніндегі орынбасарлары, жастар ресурстық орталығының қызметкерлері, ювеналды және учаскелік полиция инспекторлары қатысты.
«Діни экстремизм көріністерінің алдын алудағы ақпараттық-түсіндірме шараларын жетілдіру жолдары» тақырыбында өткен басқосуда ҚР ҰҚК академиясының дәріскерлері мен Л.Н.Гумилев атындағы Еуразия ұлттық университетінің доценті Кеңшілік Тышхан баяндама жасап, радикалды ағымды ұстанушыларға идеологиялық ықпал ету әдістеріне, мемлекеттік дін саясатындағы ақпараттық-түсіндіру жұмыстарын жетілдіру мәселелері тақырыптарына кеңінен тоқталды. Жиынға қатысушылар баяндамашыларға сауалдарын қойып, қажетті мағлұматтарға қол жеткізді.
