Қазақстанда жұма күні тек түске дейін ғана жұмыс жасау ұсынылуда
Қазақстандық заңгер Жангелді Сүлейменов жұма күні тек түске дейін ғана жұмыс жасауды ұсынуда, - деп хабарлады ҚазТАГ ақпарат агенттігі. «Мен көптен бері, 5-7 жыл бойына Қазақстанда жұмыс кестесін өзгертуге тырысудамын. Қазір бізде бес күндік. Оған 150 жыл болды. Оны жұмысшылардың бүкіл күшін сарпып алу үшін Форд ойлап тапқан. Мен барлығының жұма күні түске дейін ғана жұмыс жасағандарын қалаймын. Мынадай қағида бар – қанша уақыт берілсе, жұмыс та сонша уақытта жасалады. Егер ол адамға «Бес сағат ішінде құдық қаз» десе, ол бес сағатта қазады. Оған «үш сағат ішінде қаз» десе, ол үш сағатта қазады. Адамдар демалсын. Мен түске дейін барлығы жұмыс жасап, түстен кейін отбасыларымен бірге болсын, толыққанды демалсын деймін», - деді Сүлейманов жұма күні ҚазТАГ ХАА тілшісіне.
Бұл ретте ол түсіндіргендей, қазіргі таңда адамдар 18.00-ден дейін ғана емес, 22.00-ге дейін де жұмыс жасауға мәжбүр екендерін айтты, соның ішінде жұма күні де. Сөйтіп олар толыққанды демала алмайды.
«Бүгінде адамдар заң бойынша кешкі алтыға дейін емес, 10-ға дейін жұмыс істейді. Кейбірі тіпті сенбі күні де шығады. Сондықтан олар демалмайды. Адамдар демалмайды, отбасыларына көңіл бөлмейді. Олар шаршайды. Сондықтан осы жүйені енгізсе, мемлекет ештеңе жоғалтпайды, керісінше ұтады деп ойлаймын»,- деп түсіндірді ол.
