Қызылордада облыстық жастар ресурстық орталығының бұрынғы басшысы сотталды
Қызылорда облысындағы жастар ресурстық орталығының бұрынғы директоры Абылайхан Сабанбаев өзінің қол астындағы қызметкерінен пара алғаны үшін сотталды. Бұл туралы сыбайлас жемқорлыққа қарсы іс-қимыл агенттігінің баспасөз қызметі хабарлады.
«Сабанбаев өзіне бағынысты қызметкерді жұмыстан босатпау және одан әрі қанатының астына алып жүруі үшін ҚМУ психологынан 100 мың теңге көлемінде пара алған. 2 қыркүйекте Қызылорда қаласының №2 сотының үкімімен Сабанбаевқа пара алғаны үшін 2 миллион теңге айыппұл салынды», - делінген агенттік таратқан хабарламада.
А.Сабанбаев өмір бойы мемлекеттік қызметте қызмет ету құқығынан айырылды.
