Жел, тұман, жауын – сейсенбіге арналған ауа райы
«Қазгидромет» РМК 17 қыркүйекке арналған ауа райы болжамын ұсынады, деп хабарлайды ҚазАқпарат.Қазақстанның басым бөлігінде фронтальді бөліктердің өтуіне байланысты құбылмалы ауа райы күтіледі, кей жерлерде найзағаймен жаңбыр жауады. Республиканың кей бөлігінде тұман түсіп, жел күшейеді, оңтүстікте шаңды дауыл соғады.
Солтүстік Қазақстан, Қостанай, Түркістан облыстарында дауыл күтіледі, түнде кей жерлерінде жел 15-20 м/с, күндіз 15-20, кей жерлерде екпіні 23-28 м/с күшейеді, түнде және таңертең кей жерлерде тұман түседі.
Батыс Қазақстан, Ақтөбе, күндіз Атырау, Қызылорда, Павлодар, Шығыс Қазақстан облыстарының кей жерлерінде желдің жылдамдығы 15-20 м/с жетеді, Батыс Қазақстан, Жамбыл, түнде Қарағанда облыстарының кей жерлерінде – тұман болады.
Қызылорда облысында, Түркістан облысының басым бөлігінде, Жамбыл облысының кей жерлерінде, Карағанды облысының оңтүстік-батысында, Ақтөбе, Батыс Қазақстан облыстарының оңтүстігінде, Атырау облысының батысында өте жоғары өрт қауіпі сақталады.
