ӘЛЕМ ЧЕМПИОНАТЫНАН НАЗЕРКЕ ҮШ МЕДАЛЬ ӘКЕЛДІ
Қызылорда теміржол вокзалында ІV Әлем чемпионаты әйелдер арасында өрт-құтқару спорты бойынша жауынгерлік қанат жаюдан күміс медаль, 4х100 метрлік эстафетада қола медаль және командалық есепте қола медальға ие болған қатысушысы Өмірғалиева Назеркені өрт сөндірушілер салтанатты түрде күтіп алды.
2017 жылғы 25 қыркүйек пен 1 қазан аралығында Түркияның Измир қаласында XIII Әлем чемпионаты ерлер арасында және IV Әлем чемпионаты әйелдер арасында өрт-құтқару спорты бойынша халықаралық өрт сөндірушілер мен құтқарушылар федерациясының қолдауымен Әлем чемпионаты өткізілді.
2015 жылдан бастап Назерке Қызылорда облысы ТЖД Өрт сөндіру және авариялық құтқару жұмыстары қызметі Қармақшы ауданы №5 өрт сөндіру бөлімінің радиотелефонисі болып жұмыс атқарады. Оған халықаралық деңгейдегі жарыстарға қатысуы бірінші рет емес. Азаматтық қорғау қызметіне келгенге дейін ол жеңіл атлетика бойынша Азия мен Қазақстанның дүркін жеңімпазы және 12 алтын медаль иегері болған. Өрт-құтқару спорты бойынша Әлемдік ХІ чемпионаттың қола медальдің жеңімпазы. Осы жылдың маусым айында ғана Назерке Қазақстанның ұлттық құрамада өрт-құтқару спорты бойынша Мәскеуде Халықаралық турнирге қатысып күміс медаль жеңіп алды.
