ҚАРМАҚШЫДА ДЗЮДОДАН АУДАНДЫҚ ТУРНИР ӨТТІ
Елбасының «Болашаққа бағдар: Рухани жаңғыру» бағдарламалық мақаласы аясында Қармақшы ауданында 2005-2007 жылы туған жасөспірімдер арасында дзюдо күресінен аудандық турнир өтті.Жарысқа 70-ге жуық жас спортшы қатысып, 11 салмақ бойынша жүлделі орындарды сарапқа салды. Турнир соңында қазақ күресінен 2 дүркін əлем чемпионы Ғалымжан Əбдірахманов жас спортшыларға өзінің жеткен жетістіктері жайлы айтып, салауатты өмір салтын ұстанудың маңыздылығына тоқталды. Спортты серік еткен жастың болашағы жарқын болатынын жеткізді.
