ШИЕЛІДЕ ҚАЗАҚ КҮРЕСІНЕН РЕСПУБЛИКАЛЫҚ ТУРНИР ӨТТІ
Қызылорда облысы, Шиелі ауданында Қазақстан Республикасы Тәуелсіздігінің 26 жылдығына арналған М.Шоқай атындағы қазақ күресінен 2001-2002 жылдары туылған жасөспірімдер арасында республикалық турнир өтті.Биыл 12-ші мәрте ұйымдастырылатын турнирге еліміздің 8 облысынан Алматы қаласынан және Қырғызстаннан 10 команда, 200-ден аса балуандар 9 салмақ дәрежесінде шеберлік байқасты.
Мақсаты - ұлттық рухты жаңғыртуға ықпал ететін ұлттық спорт түрі қазақ күресін облыс көлемінде дамыту, салауатты өмір салтын насихаттау, спортшылардың спорттық шеберліктерін арттыру, жасөспірімдерді достыққа, патриоттық сезімге, ұлттық мәдениетке тәрбиелеу.
Аталмыш турнирден Қызылорда облысының спортшылары 17 жүлдені (7 алтын, 5 күміс, 5 қола) жеңіп алды. Турнир жеңімпаздары мен жүлдегерлер диплом, медаль және ақшалай сыйлықтармен марапатталды.
