ШАХМАТТАН ОБЛЫСТЫҚ ЖАРЫС МӘРЕСІНЕ ЖЕТТІ
Қызылорда облыстық білім басқармасы Аймақтық дене тәрбиесі методикалық орталығының ұйымдастыруымен Қазақстан Республикасының елордасы Астана қаласына 20 жыл толуына орай техникалық және кәсіптік білім беру оқу орындарының студенттері арасында Көпсалалы «Ұлағат Қызылорда» колледжінде шахматтан облыстық жарысы өз мәресіне жетті. Жарыстың мақсаты Қазақстан Республикасының елордасы Астана қаласының 20 жылдығы мерекесін жоғары деңгейде атап өту.
Шараға Қызылорда қаласынан және аудандардан техникалық және кәсіптік білім беру оқу орындарының 40-тан астам білім алушылары оқушы қатысты.
Жарыс қорытындысына сай жүлдегер және жеңімпаз командалар, үздік ойыншылар облыстық білім басқармасының арнайы дипломдарымен және көп салалы «Ұлағат Қызылорда» колледжі ұйымдастырған бағалы сыйлықтармен марапатталды.
