ҚЫЗЫЛОРДАЛЫҚ ВОЛЕЙБОЛШЫЛАР ҮЗДІК ҮШТІКТЕ КЕЛЕДІ
Қызылордалық волейболшылар ел чемпионатының екі айналымының қорытындысы бойынша 2-орында келе жатыр.Түркістан қаласында өткен волейболдан ҚР 26-шы чемпионатының екінші айналымында жерлестеріміз «Қайсар» командасы 2-орынды иеленді.
Ел чемпионатының үшінші айналымы келесі жылдың ақпан айында Оралда, төртінші айналымы наурызда Ақтөбеде, соңғы айналымы сәуірде Қызылорда қаласында өтеді.
Айта кетейік, үстіміздегі жылдың қараша айында Талдықорғанда басталған жарыстың бірінші айналым нәтижесінде «Қайсар» командасы 3-орынды иеленген болатын. Қазіргі таңда екі айналымның қорытындысы бойынша жерлестеріміз 2-орынға көтерілді.
