СОҒЫС АРДАГЕРІН ЖАҢА ЖЫЛМЕН ҚҰТТЫҚТАДЫ
Бүгін Сырдария ауданы әкімі Ғанибек Қазантаев аудандық ардагерлер кеңесінің төрағасы Хайролла Әбенұлы мен аудандық Қоғамдық кеңес төрағасы Марат Омаровпен бірге Ұлы Отан соғысының ардагері Яхия Тасыровты Жаңа жыл мерекесімен құттықтады.
Сырдариялық майдангерге зор денсаулық тілеген аудан басшысы Құттықтау хат пен жаңажылдық сыйлық табыс етті. Сонымен бірге, игі тілектерін айтып, 2017 жылды аудан табысты қорытындылап отырғанын жеткізді. Өз кезегінде аудандық ардагерлер кеңесінің төрағасы Хайролла Әбенұлы санаулы күндерден кейін 97 жасқа қадам басатын қарияға аудан ардагерлерінің атынан ыстық ықыласын білдірді. Майдангер құрмет көрсеткен атқарушы билік өкілдеріне алғысын айтып, ақ батасын берді.
