АТА-АНАЛАР АРАСЫНДА ӨТКЕН ШАРА
Күн санап көбейіп келе жатқан АИТВ жұқпасының алдын алу шараларын тұрғындар арасында насихаттау әсте бәсеңдеген емес. Соның бір айғағы ретінде облыстық ЖИТС алдын алу және оған қарсы күрес жөніндегі орталық мамандары мектептер арасында кездесу өткізді. Оған облыстық наркологиялық, тері-венерологиялық диспансер, қалалық жастар ресурстық, жастар денсаулық орталықтарынан мамандар қатысып, өз ойларын ортаға салды.Қалалық білім бөлімімен №4, 15, 23, 171, 198, 271, 43, 145, 189, 197, 217, 267, 271 білім ошақтары арасында өткен шараға ата-аналар да қатысты. Жалпы, тұрғындар арасында қатерлі дерт туралы айтылып, инфекцияны жұқтырмау әр адамның өз қолында екенін жан-жақты түсіндірді. Сондай-ақ, шара барысында ата-аналарға буклеттер мен үнпарақтар таратылып, видеороликтер көрсетілді.
Н.Смағұлова.
Қызылорда облыстық ЖИТС
орталығының педагогы.
