ТҮНГІ РЕЙДКЕ ШЫҚТЫ
«Мәртебелі Қазақстан» қоғамдық қорының бастамасымен Қызылорда қалалық ішкі істер басқармасы жергілікті полиция қызметінің мамандары жастар көп жиналатын орындарға бірлескен рейд ұйымдастырды. Олар Сырдария және Астана мөлтек аудандарында орналасқан сауда орындары, компьютер орталықтары, көлік жуу, кафе-барлар, дүкендер маңын бақылады. Сонымен қатар, іс-шара кезінде жасөпірімдер және ата-аналарына олардың құқықтары және заңнама талаптары түсіндірілді. ҚР Әкімшілік құқық бұзушылық туралы кодексінің баптары көрсетілген таратпа материалдар таратылды.
Бұл шара Қызылорда облыстық ішкі саясат басқармасының тапсырысы аясында «Тұрғындардың құқықтық сауаттылығын арттыруға бағытталған ақпараттық-насихаттық шараларды ұйымдастыру» әлеуметтік жобасы аясында өткізілді.
