«НАРТАЙ БҮЛДІРШІНДЕРІ» ҚУЫРШАҚ ТОБЫ ЖАҢА ТУЫНДЫ ҰСЫНАДЫ
Қызылорда облыстық Н.Бекежанов атындағы қазақ музыкалық драма театр жанынан құрылған «Нартай бүлдіршіндері» қуыршақ тобы 6 қазан күні О.Әубәкіровтің «Қожа мен спорт» жаңа қуыршақ спектаклін көркемдік кеңес мүшелеріне тапсырды.
Балаларға арналаған спектакльде қалада тұратын Қожа ауылға, ата-әжесіне қонаққа келеді. Қала мәдениетіне дағдыланған жалқау Қожаның қолынан ұялы телефон түспейді. Ұйықтап жатып түс көреді. Түсінде жалқаулық, еріншектік жаман әдет екенін, спортпен шұғылдану керектігін түсінеді. Көрген түсі Қожаға үлкен ой салып Қожа спортпен шұғылдануға бет бұрады, мүлдем өзгерді.
Осылайша балаларды патриоттыққа, салауатты өмір салтын сақтауға, еңбекқорлыққа тәрбиелейтін қойылымның балаларға берері көп. Көркемдік кеңес мүшелері өздерінің ой-пікірлерін білдіріп, жақсы деген баға берді.