ҚАЗАҚСТАНДЫҚ ХИТ ӘННІҢ АВТОРЫ БОКСҚА ҚАЛАЙ КЕЛДІ? (ФОТО)
"Көк тудың желбірегені" әнімен танылған қазақстандық әнші Ибрагим Ескендірдің бапкері оның боксқа қалай келгенін айтып берді деп хабарлайды Aktobenews.kz-ке сілтеме жасағанNUR.KZ.Боксшының бапкері Жалғас Төкешовтің сөзінше, бұрын бала кезде айналысып «Спорт шебері үміткері» дәрежесіне дейін жеткен Ибрагим кейін қол жарақатына байланысты бокстан қол үзіп қалған екен.
"Өзінің жұдырықтасқысы келетінін айтып өтініш білдірді. Бірақ, әуесқой бокста болатынын айтты. Содан жаттығуға келді. Қарасаң кәдімгідей қолы ауыр, соққылары нық, физикалық тұрғыдан да өте тамаша, сезуі де мықты. Әуесқой болсаң бір жеңесің, бір жеңілесің. Бірден 5 ұрысқа шығасың. Оданда кәсіпқойдан бастауды жөн деп таптым. Тастаған ұсынысымы қабыл алды. Міне, өздеріңіз көргендей екі жекпе-жекте басымдылықпен жеңді", — дейді жаттықтырушысы Жалғас Бөкенбайұлы.
Айта кетейік, қазіргі таңда Ибрагим үшінші жекпе-жегіне дайындық үстінде.
