ЛАТЫН ҚАРПІНЕ КӨШУ ТАҚЫРЫБЫ ТАЛҚЫЛАНДЫ
Үстіміздегі жылы Елбасы тапсырмасы бойынша латын қарпіне көшу бағытында нақты іс-шаралар қолға алынып отыр. Бүгінгі күні еліміздің барлық аймағында бұл бағытта жұртшылық өздерінің ой-пікірлерін айтып, түрлі шаралар өткізіліп жатыр.
Ағымдағы жылдың 11 қазан күні «Мұрагер» мектебінде латын қарпіне көшу тақырыбында арнайы шара өткізілді. Оған облыс әкімінің жанынан құрылған латын қарпіне көшу жөніндегі комиссия мүшесі, филология ғылымдарының кандидаты А.Абасилов, тарих ғылымдарының кандидаты. А.Оразбақов, тарих ғылымдарының кандидаты У. Ибраев және қазақ тілі мен әдебиеті пәніннің мұғалімдері қатысты.
Жиынға қатысушылар аталмыш мәселенің өзектілігіне тоқталды. Латын қарпіне көшу кемел келешекке жол ашатын оңды бастама екені белгілі.
