Ақмешіт апталығы

  АҚШ пен Франция ғалымдары Марстың жоғарғы қабатын зерттеуші “Curiosity” құрылғысынан алынған мәліметтерді жария етті. Мамандар аталған ғаламшардың бетінде су жоқ деген болжам айтып отыр. Бұл туралы Nature Geoscience хабарлайды.
Ғалымдардың пікірінше, Марс бетіндегі “арналар” мен “жыралар” қатты күйдегі көміртек диоксидінің әсерінен пайда болған. Себебі, температура қатты төмендеген кезде топырақ бөлшектері аталған көміртек диоксидінің үстімен сырғиды.
Мамандардың болжамын Mars Reconnaissance Orbiter аппараты да растап отыр. Ол аталған ғаламшарды суретке түсірген болатын. Естеріңізге сала кетсек, осы уақытқа дейін NASA шамамен 4 млрд жыл бұрын Марста су болғанын болжаған.