ОБЛЫСТАҒЫ 7 ЕЛДІ МЕКЕНДЕ СПОРТ КЕШЕНДЕРІ САЛЫНУДА
Бұқаралық спортты дамыту мақсатында облыс аумағында 1198 бұқаралық спорттық іс-шаралар өткізіліп, оған 203190 адам қатысқан.Соңғы 3 жылда облыста 9 спорт кешені пайдалануға берілсе, биыл облыстық бюджеттен 7 елді мекенде спорт кешендерінің құрылысы басталды.
Облыста дене шынықтыру мен спортты дамытудың негізгі көрсеткіші ол – тұрақты дене шынықтыру және спортпен шұғылданушылар санын ұлғайту болып табылады. Жыл басынан бері өңірде дене шынықтыру және спортпен жүйелі түрде шұғылданушылар қатары 26,5 пайызға көтеріліп, 203594 адамға жетіп отыр. Бұқаралық спортты дамыту үшін бүгінгі таңда мемлекеттік - әлеуметтік тапсырыс шеңберінде бюджеттен 113 млн теңге бөлініп, 138 елді мекендегі 282 спорт нұсқаушысы 41040 мың адамды тұрақты дене шынықтырумен шұғылдануға баулып келеді.
