ОБЛЫСТА АПАТТЫ ЖАҒДАЙДАҒЫ 2 СУ ҚОЙМАСЫ ЖАҢҒЫРТЫЛАДЫ
Облыстың агроөнеркәсіп кешенін дамыту 2017-2021 жылдарға арналған мемлекеттік бағдарламасы мен облыстың Агрокартасы аясында Сыр өңірінде 3 су қоймасы салынып, апатты жағдайда тұрған 2 қойма қайта жаңғыртылмақ.
Облыс әкімінің орынбасары Серік Қожаниязов өңірлік коммуникациялар қыметінде өткен баспасөз конференциясында елді мекендерді аяқ сумен қамтамасыз ету жайында да айтты. Биыл ол жұмыстарға 408,4 млн. теңге қаралған. Оған 7 канал тазалау жұмыстары және өздігінен су бармайтын елді мекендерге 8 дана насос қондырғылары сатып алынады.
Елді мекендерде атқарылған жұмыстардың тағы бірі олардың шекараларын анықтау. Осы жылы Сырдария, Жалағаш, Қазалы, Арал аудандарындағы 29 елді мекеннің құжаттары әзірленді. Қалған 117 елді мекендер 2018-2019 жылдары іске асады.
