ҚЫЗЫЛОРДАДА ДӘСТҮРЛІ ВЕЛОЖАРЫС ӨТТІ

8 қазан күні облыстық дене шынықтыру және спорт басқармасының ұйымдастыруымен бұқаралық спортты дамыту мен салауатты өмір салтын насихаттауға бағытталған веложарыс өтті.

Шараға 200-дей әуесқойлар мен мекеме қызметкерлері қатысты. Олар 8 км қашықтықты жүріп өтті. Жарыс №3 велоспорт жөніндегі олимпиадалық резерв мектебінің алаңынан басталып, Ш.Есенов, Тәуелсіздік даңғылы арқылы Сұлтан Бейбарыс көшесінде мәресіне жетті.
Нәтижесінде ерлер арасында Пазылбек Жақсылық бірінші болып келсе, Жандаулет Өндрей – екінші, Айбек Боранбаев – үшінші орындарды иеленді. Әйелдер арасында Ғалия Қуатбаева жеңімпаз атанды. Екінші орынды Қаракөз Қизатова алса, үшінші орын Алтынай Жақыповаға бұйырды.

«Ең жас қатысушы» - номинациясымен 12 жастағы Бекзат Қойшыбаев, «Жасы үлкен қатысушы» - 53 жастағы Ерғали Шөмішбаев, «Белсенді қатысушы» - Нұрбол Сейтқалиев марапатталды.

Жарыс жеңімпаздары мен жүлдегерлерге жарыстың демеушісі, «Сәлем» және «Asia Life» сақтандыру компанияларының естелік сыйлықтары табысталды.

Жаңалықтар / Дода

09 қазан 2017 ж. 1 809 0