ДЕНЕ ДАЙЫНДЫҒЫНАН СЫНАҚ ТАПСЫРДЫ
Ғ.Мұратбаев стадионында және №1 МӨСБ оқу-жаттығу базасының аумағында Қызылорда облысы ТЖД қызметкерлері кәсіби сабақтың дене дайындығынан сынақ тапсырды. Сынақ қорытындысы бойынша комиссия мамандарға өз бағасын берді.Өрт сөндіруші-құтқарушы – әлемдегі ең қиын мамандықтардың бірі. Жақсы дене дайындығынан, жоғары моральдық қасиеттерден және психологиялық орнықтылықтан басқа, өрт сөндіруші-құтқарушының терең кәсіби білімі болуы қажет. Алғашқы медициналық көмек көрсетудің ережелерін, құтқару жабдығын пайдалана білу, қауіпсіздік техникасын білу, биіктікте жұмыс жасай білуі тиіс. Жұмыс барысында өрт сөндірушіге ауыр салмақпен жедел қимылдау, өрт кезінде ғимараттар мен құрылыстардың жоғарғы қабатына жаяу көтерілу қажет болуы мүмкін.
