МӘНЕРЛЕП ОҚУ БАЙҚАУЫ ӨТКІЗІЛДІ
Қалалық білім бөлімінің жоспарына сәйкес «Сыр еркесі» балабақшасы базасында «Тәуелсіздік таңының жұлдызымын» атты мәнерлеп оқу байқауы өткізілді.
Бұл шара еліміздің болашағын жалғастырушы ұрпақтың тілін дамытып, сөздік қорын молайту және есте сақтау қабілеттерін арттыру. Өлеңді жаттап, мәнерлеп айта білуге үйрету. Туған жерін, елін сүюге тәрбиелеу. Тәуелсіздік туралы білімін кеңейте отырып, өз еліне қызмет ететін білімді, жан - жақты дамыған, батыл, намысты патриоттар дайындау мақсатында қолға алынды.
Байқауға №4 әдістемелік аймаққа қарасты балабақшалардың 5-6 жас аралығындағы тәрбиеленушілері қатысты.
Шара барысында бүлдіршіндер ережеге сәйкес 16 желтоқсан – ата-бабамыздың арманы орындалып, жасампаздығымызды жаңа белеске көтерген Тәуелсіздік күніне арналған өлеңдерді мәнерлеп жатқа оқыды.
Нәтижесінде, көрмендердің көзайымы болып, өз өнерімен тәнті еткен «Ботақан» балабақшасының тәрбиеленушісі Жақсыбай Әмина бас жүлдеге ие болды. Дәрежелі І орынмен «Алтын ұя» балабақшасының тәрбиеленушісі Ерленов Димаш, дәрежелі ІІ орынмен «Инажан» балабақшасының тәрбиеленушісі Мутали Әсем және «Томирис жүрегі» балабақшасының тәрбиеленушісі Забирова Виктория, дәрежелі ІІІ орынмен «Сыр еркесі» балабақшасының тәрбиеленушісі Серікбай Ұлдана, «Камила» балабақшасының тәрбиеленушісі Жаңақұл Мерейлім және «Ералаш» балабақшасының тәрбиеленушісі Маратқызы Мунира марапатталды.
