БАЛАБАҚША БҮЛДІРШІНДЕРІ БАЙҚАУҒА ҚАТЫСТЫ
Қалалық білім бөлімінің жоспарына сәйкес «Сәулет» жеке балабақшасы базасында «Әлем балалар көзімен» мектеп жасына дейінгі балалар арасында ғылыми жоба қорғау байқауы өткізілді. Байқауға №3 аймаққа қарасты балабақшалардың ортаңғы 4-5 жас және ересек топ 5-6 жастағы бүлдіршіндері қатысты.
Байқау мақсаты - мектеп жасына дейінгі балалардың зерттеушілік әрекеті негіздерін қалыптастыруға жағдай жасау, ғылымға деген қызығушылығын арттыру, өскелең ұрпаққа рухани байлығымызды дәріптеу, тәрбиені балалар бойына сіңіре отырып, ойлау, ізденушілік, қызығушылық қабілеттерінің қалыптасуына септігін тигізу.
Байқауда «Денсаулық», «Коммуникация», «Таным», «Шығармашылық» және «Әлеуметтік» білім беру салалары бойынша жұмыстар ұсынылды.
Байқау қорытындысы бойынша «Бас жүлде» «Сәулет» балабақшасының тәрбиеленушісі Асылхан Інжуге бұйырды. І орынды «Сыр балажаны» балабақшасының тәрбиеленушісі Марат Адина, ІІ орынды №50 «Жұлдыз» балабақшасының тәрбиеленушісі Мұсабай Аяулым, ІІІ орынды «Алпамыс» балабақшасының тәрбиеленушісі Абай Нұрлыбек иеленді. Сондай-ақ, байқауға қатысқан барлық балабақша бүлдіршіндері алғыс хатпен марапатталды.
