ЗАТТЫБЕК КӨПБОСЫНҰЛЫ 10 ЖЫЛ КҮТКЕН ҚЫЗЫН БЕЙНЕБАЯНҒА ТҮСІРДІ (ВИДЕО)
Әкесіне жақын дейді қыздарды, ал сен маған жақыннан да жақынсың! Кезінде “Ақ маржан” деп әндеткен Заттыбек Көпбосынұлының қызына деген жүрекжарды лебізі осындай. Әнші тұла бойы тұңғышына деген махаббатын әнмен жеткізіп, қызын бейнебаянға түсірді, деп хабарлайды Stan.kz.
Заттыбек Көпбосынұлы қызы Айзерені 10 жыл күтті. Осы уақыт аралығында жарына демеу болып, Алладан үмітін үзбеді. Ақырында Жаратқан әншіге сұрағанын берді. Көп күткен қызын Заттыбек ұлы Абайдың әжесі Зеренің құрметіне атады.
Күні кеше ғана Заттыбек “қызды болдым” деп елден сүйінші сұрағандай еді… Бірақ “өзгенің баласы тез есейеді” демекші, 2012 жылы дүниеге іңгәлап келген сәби қылықты да сүйкімді қыз болып шыға келді. Тіпті, әкесінің өзіне арнаған бейнебаянына түсіп үлгерді. Ендеше тамашалай отырыңыздар!
