ЕСЕТ БАТЫРДЫҢ ЕСІМІ ҰЛЫҚТАЛДЫ
Жалағаш ауданы орталығындағы Қ.Қазантаев атындағы аудандық Мәдениет үйінде «Ұлт тағдыры мен руханиятындағы Есет батырдың рөлі» тақырыбындағы ғылыми-практикалық конференцияға ұласты. Бұл шара Есет батыр Көкіұлының мерейтойына арналды.
Конференцияны Қызылорда облыстық мәслихатының хатшысы, тарих ғылымдарының кандидаты Байқадамов Наурызбай Сейтқалиұлы жүргізіп отырды. Конференция барысында Әл-Фараби атындағы Қазақ ұлттық университетінің профессоры, тарих ғылымдарының докторы, Қазақстан Республикасы Ұлттық ғылым академиясының корреспондент мүшесі Кәрібаев Берекет Бақытжанұлы «Есет батыр және 18-ғасырдағы қазақ тарихының мәселелері», Қазақстан Республикасы Ұлттық ғылым академиясының академигі Әбжанов Ханкелді Махмутұлы «Сакралды география: мәні, мен құрылымы(Қызылорда өңірінің мысалында)», Әл-Фараби атындағы Қазақ ұлттық университетінің «Шығыстану» факультетінің профессоры Нәбижан Мұхаметханұлы «Есет батыр дәуіріндегі қазақ қоғамының халықаралық жағдайы», Қорқыт ата атындағы Қызылорда мемлекеттік университетінің Қазақстан халқы Ассамблеясы кафедрасының меңгерушісі, тарих ғылымдарының кандидаты Мыңжас Нұрлыбек Кәрібозұлы «Есет Көкіұлы тұлғасының тарихилығы» тақырыбында баяндамалар жасалды.
