Жастар арасында интеллектуалдық сайыс өтті
Облыстық жастар ресурстық орталығының ұйымдастыруымен Абай Құнанбайұлының 175 жылдығына орай «Абай дара – Абай дана» тақырыбында студент жастар арасында интеллектуалдық сайыс өтті.
Сайыстың мақсаты - қазақтың ұлы ақыны Абай Құнанбайұлы туралы тереңірек меңгеру, өмір жолы мен шығармашылығын таныту, адамгершілікке тәрбиелеу, рухани асыл мұраларын насихаттау, интеллектуалдық сайыс арқылы ашу, зерттеу болып табылады. Сонымен қатар, жастардың белсенділігін, сауаттылығын арттыру, жылдам әрі нақты шешім қабылдауына бейімдеу.
Сайысқа Қазақ гуманитарлық заң және техникалық жоғары колледжі, Қызылорда жоғарғы медицина колледжі мен «Өркениет» медицина колледжінің студент жастары қатысып, белсенділік танытты. Жеңімпаз топтар арнайы дипломдармен марапатталды. Шараға қамтылғандар саны - 30 жас.
