«ТҮНГІ МЕЗГІЛДЕГІ БАЛАЛАР» АТТЫ РЕЙД ҰЙЫМДАСТЫРЫЛДЫ
Қалалық білім бөлімінің жоспарына сәйкес полиция инспекторларымен бірлесіп, «Қауіпсіз мектеп» акциясы аясында «Түнгі мезгілдегі балалар» атты рейд ұйымдастырылды. Мақсаты - кәмелеттік жасқа толмаған жасөспірімдердің қауіпсіздігін, балалар құқығының қорғалуын қамтамасыз ету, түнгі сағат 23.00-ден кейін көшеде заңды өкілінсіз жүрмеуін көшедегі қала тұрғындарының (ата-аналардың) есіне салу.
Сондай-ақ, түнгі клубта, ойын-сауық орындарында, компьтерлік клубтарда жүрген оқушыларды анықтап, оларға ескерту жасау. Шара барысында рейдке қатысушы қалалық білім бөлімінің маманы Г.Құдайбергенова және ҚІІБ-ң ЖПҚ-ның ЮПБ-ң бастығы, полиция подполковнигі Э.Бектемір және де мектеп директорларының тәрбие ісі жөніндегі орынбасарлары, мектеп инспекторлары алдын ала жиналып, аралайтын бағыттарды анықтап, бірнеше аймақтарға бөліну арқылы рейдтің негізгі мақсатын орындады.
