ЖОЛ-КӨЛІК ОҚИҒАЛАРЫНЫҢ АЛДЫН АЛУҒА АРНАЛДЫ
Қалалық білім бөлімінің жоспарына сәйкес жол-көлік оқиғаларының алдын алу мақсатында №7 орта мектеп базасында «Жол тәртібін білейік аман-есен жүрейік» тақырыбында арнайы шара өткізілді.Аталған шараға 1-7 сынып аралығындағы оқушылар қатысты. Жол-көлік оқиғаларының алдын алу шарасы барысында мектеп оқушыларына жолда жүру ережелерін, жол белгілерін, өмір қауіпсіздігін сақтау мақсатында түсіндірме жұмыстары жүргізілді. 2 сынып оқушылары арасында «Жол тәртібін жадыңда ұста» тақырыбында сыныптар арасында сайыстар өткізілді.
Мектеп тәлімгері мен мектеп инспекторы 1 сынып оқушыларын жол белгілерімен таныстырып, «қауіпсіз автобус» және «қауіпсіз мектеп» бағдарламасы бойынша шара ұйымдастырды.
«Қауіпсіз мектеп» аясында 7 сынып оқушылары Шұғыла мөлтек ауданындағы шағын макеттерде қазақ, орыс және ағылшын тілдерінде жол-көлік оқиғаларының алдын алу шарасы жайлы таныстырып өтті.
