Оқырман хаты: Әкім тілегімізді тыңдады
Редакцияға хабарласқан Жалағаш ауданы Мәдениет ауылының тұрғыны Болатбек Нұржанов ауылдағы жақсы жаңалығымен бөлісті.– Жаңа жылдан әркім де жақсылық күтеді ғой. Биыл ауылда нендей жаңалық болар екен деп елеңдеп отырғанда, ауылымызға аймақ басшысы Қуанышбек Ысқақов келді. Тұрғындармен кездесіп, елдің тілегін тыңдады. Өз кезегімізде біз де бір-екі тілегімізді жеткіздік. Ауылдың асфальтталмай қалған бір көшесін айттық. Сондай-ақ егін егетін кезде тұқым бағасының қымбаттап кететіні диқанның бір мәселесі. Кездесуде айтылған мәселенің барлығын облыс әкімі мұқият тыңдап, жазып алды. Облыс басшысының халықпен елмен етене кездесуі, барлық мәселені тыңдап, назар аударғанына қуандық. Жұмысына сәттілік тілеймін, – дейді ауыл тұрғыны.
