ҚАЗАЛЫ АУДАНЫНЫҢ ӘКІМІ ФУТБОЛШЫЛАРДЫ ҚАБЫЛДАДЫ
Биыл қазалылық аяқдопшылар үшін жеңісті жыл болды.
Аудандық құрама командасы «Алтын күз» облыстық спартакиадасының және облыс біріншілігінің екінші мәрте жеңімпазы атанды.
Осыған орай Тұңғыш Президент күні мерекесі қарсаңында аудан әкімі Мұрат Ергешбаев федерация құрамын қабылдап, айтулы жеңістерімен құттықтады.
Қабылдауда үздік спортшылар марапатталып, аудан командасына тұрақты демеушілік көрсетіп келе жатқан азаматтарға құрмет көрсетілді.
Жиында аудандық футбол федерациясының президенті Фердоуси Қожабергенов ауданда футболды дамыту жұмыстарының орындалуы жайлы баяндады.
