Спорт – денсаулық кепілі
Бұл қала олимпиада, Әлем чемпиондары тұратын киелі шаһар. Қызылорданың атын жеті құрлыққа жеткізіп, абыройын асқақтатқан дарабоздар елі. Әлі де ел намысын қорғайтын ұландар шығады.Міне, біз мақтанатын ұрпақты спортқа баулудың нәтижесі осылай өрбиді. Елбасының Жолдауында бұқаралық спортпен қамту мәселесі ұдайы көтеріледі. Бұл тұрғыда бұқаралық спортпен айналысатын халық санын 30 пайызға жеткізу тапсырылған. Осындай тапсырма біздің өңірде қалай орындалды? Қала әкімінің есебінде айтылғандай, спорт саласына жасалған қолдаулардың арқасында біздің өңірде бұл көрсеткіш бүгіннің өзінде 31 пайызға жеткен. Демек, нәтиже бар, іс алға басып отыр. Жалпы,
соңғы жылдары қалада 171 спорт ойын алаңы салынғанын да айтқан ләзім.
