Еңбектің көзін тапсаң, байлықтың өзін табарсың
Әр бизнесмен кәсібіне салған қаражатын барынша тез өндіруге тырысатыны түсінікті. Сол себепті, өңірімізде бірінші кезекте сервистік қызметтерге негізделген бизнес басымдыққа ие болып тұр. Енді халық тұтынатын қарапайым тауарлар шығаруға бағытталуымыз қажет. Бұрында біздегі тігін фабрикасы, аяқ киім фабрикасы қандай сапалы өнім шығарғаны естеріңізде болар. Табиғи теріден жасалған балалар аяқ киімі тіпті алыс шетелдерге де экспортқа шығарылған болатын! Неге, біз төсек-орын жабдығын өзімізде шығаруға мүмкіндік бола тұра бүгінде шетелден әкелеміз?! Бізде қаражат та, шикізат та, жұмыс күші де бар.
