Соңғы тәулікте жаңадан 2 дерек тіркелді
Қызылордада COVID-19 вирусын жұқтырған адам саны 151-ге жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.«Соңғы тәулікте екі жағдай анықталды. Оның біреуі – Қызылорда қаласының тұрғыны. Ал, екінші науқас- Амангелді ауылынан. Қазіргі таңда науқастардың жағдайы бірқалыпты, емдерін хаттамаға сәйкес алуда»,-деді Жақсылық Әбілқасымұлы.
Сондай-ақ, індеттен айыққандардың саны 25-ке жетті. Оның ішінде, Қызылорда қаласынан-6 , Жаңақорған ауданынан-13, Шиеліден-3 , Қармақшы- 3 адам емделіп шықты. Емделіп шыққандардың ішінде 3 медицина қызметкері бар. Олар алдағы уақытта 14 күн бойы аймақтық емхананың бақылауында болады.
Құрметті облыс тұрғындары, денсаулықтарыңызды күтіп, үйде болыңыздар.
