Ресейден 42 студент келеді
Қызылорда облысында соңғы тәулікте жаңадан СОVID-19 вирусы тіркелген жоқ. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысы Жақсылық Абдусаметов мәлімдеді.- Облыс бойынша 151 жағдай. Оның 26-сы сауығып шықты, 125 науқас стационарлық емдерін жалғастыруда. Коронавирус инфекциясы анықталған азаматтармен байланыста болған – 2200 адам анықталды. Оның ішінде, 1162 -сі жақын қарым-қатынаста, 1038-і жанама байланыста болған,-деді бас дәрігер.
Айта кетейік, бүгін Ресей елінен 42 студент келеді. 1 "Б" категориясына жататын елден келгендіктен олардан арнайы тест сынамалары алынып, үй жағдайындағы карантинге қатаң бақылауға алынады. Қандай да бір күдік болған жағдайда провизорлық карантинге жатқызылатын болады.
Құрметті облыс тұрғындары, карантин ережелерін сақтап, үйде болыңыздар.
