Қалаға қарасты саяжайларға жылжымалы көлікпен көшпелі сауда өз тауарларын халыққа ұсынуда
Бұған дейін хабарлағанымыздай, төтенше жағдай кезеңінде қала аумағында блок-бекеттер орналасуына орай, қалаға қарасты елді-мекен тұрғындарының қалаға кіріп-шығуына шектеу қойылып, қала төңірегінде орналасқан саяжайларға жылжымалы көлікте көшпелі сауда ұйымдастырылу жолға қойылған болатын.Осы ретте, қала әкімінің тапсырмасымен қаланың шет аймақтарында шоғырланған елді мекендердегі халықтың күнделікті тұтынатын азық-түлік тапшылығын болдырмау мақсатында, "Мирас" және "Анвар" сауда орталығының демеушілігімен арнайы бөлінген жүк көлігімен және «Еврофарм» ЖШС жылжымалы дәріхана қызметі де қала төңірегінде орналасқан саяжайларға «Эделвейс», «Сабалақ», «ПМК-29», «Электромонтажник», Наурыз, Ақсуат, т.б. елді-мекендерге нарық бағасынан 5-10% төмен бағада азық-түлік және тұрмысқа қажетті заттармен көшпелі сауда өз жұмысын жалғастыруда. Жалпы көшпелі саудаға сұранысты қажет ететін өнім түрлері (азық-түлік: ұн, ет, картоп, пияз, сәбіз, күріш, рожки, сүт, шәй, өсімдік майы; тұрмыстық заттар, т.б.) сатылымға шығырылуда.
