Жалағаш ауданы: «Өркен Әлем» ЖШС тегін 20 мың бетперде таратпақ
Серпін индустриалды аумағында орналасқан «Өркен Әлем» ЖШС-нің арнайы киім тігу цехы төтенше жағдай кезінде аудан тұрғындарына тегін 20 мың бетперде таратпақ. Бұл туралы Жалағаш ауданы әкімінің баспасөз қызметі хабарлады.Бүгінде 60-жуық қызметкер жұмыс істейтін «Өркен Әлем» ЖШС арнайы киім тігу цехында 7000 бетперде тігіліп, аудан тұрғындарына аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі арқылы тегін таратылды. Алдағы уақытта тағы 13 000 бетпердені мұқтаж жандарға ұсынуды жоспарлап отыр.
